مهندس الواقع مهندس الواقع
recent

آخر الأخبار

recent
جاري التحميل ...

ازاي تاخد شغل مقاولات لحسابك ؟ 💰💰| أفضل طريقه للدخول في عالم المقاولات 2019

ازاي تاخد شغل مقاولات لحسابك ؟ 💰💰| أفضل طريقه للدخول في عالم المقاولات 2019

ازاي تاخد شغل مقاولات لحسابك ؟ 💰💰|

حنقسم الموضوع لجزئين : 👇
الجزء الاول : ايه المفروض اكون بعرف اعمله وعندي عشان اشيل شغل مقاولات لحسابي ؟ 😃
الجزء التاني : نصايح في شغل المقاولات الخاص 😊
----------------------------------------------------------------------
في الأول إسمع الفيديو ده 👇


الجزء الاول : ايه المفروض اكون بعرف اعمله وعندي عشان اشيل شغل مقاولات لحسابي ؟ 😮

١- ازاي تعمل معاينة وتكون بتعرف بتنفذ البند كويس جدا وتستلمه بنفسك
٢- ازاي ترفع المقاسات وتعمل رسم As Built Drawing
٣- ازاي تعمل حصر كميات
٤- ازاي تعمل مقايسة
٥- ازاي تسعر البنود بالمقايسة
٦- تعرف اسعار خامات السوق update
٧- ازاي تحط نسبة الربح وامتي تكون 15 % وامتي 25 %
٨- ازاي تكتب عقد
٩- ازاي تعمل مستخلص
١٠- محتاج تعمل facebook page
١٢- محتاج Facebook group
١٣- محتوي صفحتك الشخصية مهم ميكونش تافه وممكن تعمل اكونت تاني خاص بالشغل بس
١٤- متابعة الجروبات الخاصة بشغل المقاولات والتفاعل معاها باكونت الشغل وتكون متاكد من اجابتك مية في المية
١٥- صور شغلك ونزله علي الفيس بوك
١٦- طباعة كروت شخصية واكتب فيها اسمك ومهندس مدني ورقم تليفونك
١٧- محتاج ارقام تليفونات صنايعية وعمال وتكون اشتغلت معاهم قبل كده وعلاقتك بيهم كويسة ويكون عندك كزا صنايعي عشان لو حد حصله ظروف
١٨-لازم تعرف معدلات استهلاك المون والخامات
١٩- لازم تعرف اسعار يوميات الصنايعية والعمل باليومية ولا بالانتاجية
٢٠- لازم تعرف اسعار المقاولين الباطن وايجار المعدات واسعار النقل والتشوين
٢١- لازم تكون عارف الفرق بين Cost contract و Price contract و Cost plus
٢٢- لازم تعرف ايه الفرق بين المقاولات والاستثمار العقاري واتحاد الملاك
٢٣- لازم تكون عارف ازاي تسعر بسرعة وبطرق تقريبية
٢٤- لازم تعرف تعمل برنامج زمني
٢٥- عندك علاقات مع جهاز المدينة عشان دول الي حيطلعولك التراخيص
٢٦-لازم تحدد حتشتغل خرسانات ولا تشطيبات ولا اعمال متكاملة ولا بند واحد
٢٧- لو حتفتح مكتب لازم تحدد ايجار ولا تمليك و تكون عارف اجراءات البطاقة الضريبية والسجل التجاري بمعرفة محاسب قانوني ولو حتتعامل مع شركات لازم تعرف اجراءات التسجيل في اتحاد المقاولين وتحدد نوع المؤسسة وازاي تعمل سجل هندسي
٢٨- متابعة اي بوستات علي الفيس بوك او علي اليوتيوب بتتكلم علي شغل المقاولات وازاي تكسب منها وانصح بمتابعة المهندس Wael Abd Elmoneam ببوستات شغل المقاولات والمهندس Abdulrahman Al Sharnouby علي اليوتيوب في شغل المقاولات
٢٩- لازم يكون عندك مهارات Marketing و Sales مثل :
ازاي تعرف تتكلم مع العميل سواء مكالمة او مقابلة وتعرف ايه الي هو محتاجه وازاي تعرض نقاط قوتك وازاي يكون سعرك منافس للسوق
٣٠- لازم تلتزم بمواعيدك وتهتم بمظهرك ولبسك
-----------------------------------------------------------------------------

الجزء التاني : نصايح في شغل المقاولات الخاص 😊

١- متتاخرش في اخذ الRisk عشان كل ما تتاخر كل الموضوع حيبقي اصعب ويفضل تبدأ فيه قبل الجواز
٢- منصحكش تفتح مكتب في الاول عشان تاخد الRisk واحدة واحدة
٣- لو اشتغلت في شركة صغيرة في الاول بتعمل فيها حجات كتير متزعلش لان ده حيديك خبرة كويسة تقدر تشتغل بعد كده لحسابك
٤- في الاول حتشتغل من العلاقات القريبة منك
٥- ممكن تستعين بمكاتب التسويق العقاري عشان يجبولك الشغل
٦- ممكن تستعين بحد خبرة يساعدك بس متطولش اوي في الشراكة عشان مفيش حد ثقة مية في المية
٧- لازم تهتم اوي باول شغلانة عشان دي الي حتعملك سمعة
٨- العميل دايما بيدور علي minimum cost ,time and maximum quality
٩- لو حتشتغل خرسانات بيكون من العلاقات اما لو حتشتغل تشطيبات بيكون online فلو حتعمل صفحة علي الفيس بوك تكون شغل تشطيبات
١٠- فيه افكار للشغل زي ارضيات Hdf او شغل كرانيش فيوتك او جبسمبورد او ترميمات
١١- لازم تكون عارف انك عشان تسعر اي حاجة
Direct cost + indirect cost + profit
ومتنساش الضرايب ومتنساش معدل التضخم
١٢-- متدفعش من جيبك خالص المالك هو دايما الي يدفع
١٣- لازم تربط دايما العمال بفلوس ومتديهمش اول باول
١٤- لازم تسيء الظن دايما في العمال حتي يثبتو العكس
١٥- لازم يكون الشغل دايما علي اتفاقيات مكتوبة مش بالبوق عشان تكون كل حاجة واضحة
١٦- لازم يكون قلبك جامد وعندك صبر وعافيجي وممكن يجيلك اوقات تشتغل صبح وليل
١٧- لو شكلك صغير وخايف العميل ميقتنعش بيك لازم تبقي عارف ان لبسك وطريقة كلامك واسلوبك وخبرتك هي الي حتفرق
١٨- لو خايف انك معندكش سابقة اعمال زي ما قولتلك صور دايما شغلك واشتغل مع المعارف في الاول عشان محدش حيسال عليك
١٩- لو معندكش مكتب ممكن تقابل العميل في Co working space وتجيب سكرتيرة في اليوم
٢٠- متطلبش من المالك فلوس كتيرة مرة واحدة
٢١ - اوعي تسيب الوظيفة وتشتغل خاص قبل ما تاسس نفسك كويس جدا
٢٢- ممكن تشيل شغل مقاولات وانت موظف علي فكرة
٢٣- سر نجاح اي حاجة الاستمرارية
٢٤- لازم تبقي عامل حسابك ان شغلك ممكن يتاثر بتقلبات السوق
٢٥- ممكن تعمل اعلانات ممولة
٢٦- متستخدمش طريقة ان لو حد طالب شغل تدخل بكومنت بلينك صفحتك العميل بيدور علي الناس الي بتشكر فيه مش الي بيشكر في نفسه
٢٧- ممكن تستخدم شوية افكار تسويقية زي :
-معاينة مجانية
-رفع مقاسات وحصر كميات وعمل مقايسة مسعرة مجانا
-عمل رسم 3d للشقة وساعتها لازم تتعلم تصميم معماري وبرنامج زي 3dmax عشان ساعات المالك بيطلب تصميم معماري او ممكن توفر السكة دي وتستعين بمعماري شاطر صاحبك
-ضمان لمدة سنة ضد عيوب التنفيذ
-شطب شقتك في شهر واحد
-شطب شقتك بارخص سعر للمتر
-شطب شقتك بالتقسيط
-اشراف هندسي ببلاش
- دعم فني مجانا
وفي النهايه أكيد لازم متنساش تشترك في قناه #مهندس الواقع لمزيد من الإفاده
▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬
▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬

تابع قناه مهندس الواقع علي اليوتيوب لمزيد من المحتوي الحصري القوي
ولا تنسوا الإنضمام لنا علي جروب مهندس الواقع علي تليجرام
ولا تنسونا من صالح دعائكم

عن الكاتب

Seddiq Mahmoud

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع