مهندس الواقع مهندس الواقع
recent

آخر الأخبار

recent
جاري التحميل ...

مشاكل المحارة وازاى نعالجها 😉

مشاكل المحارة وازاى نعالجها 😉


                               مشاكل المحارة وازاى نعالجها 😉


                                                               ☜شروخ المحارة 

لو بيظهر عندك مشكلة الشروخ أو التنميل بعد مرحلة المحارة وحتى بعد عملة الدهان
.علشان اكيد الكلام الجاى مهم جدا لك يبقى ركز معانا شوية 
 
  اولا : لازم تعرف أن الشروخ أو التنميل دة سببها اية وبعد كدة نتكلم عن علاج المشكلة

                                               الأسباب :

فية أسباب كتيرو ممكن نقول شوية منهم على سبيل الذكر لا الحصر:

1- استخدام الجبس فى مرحلة المحارة (لأن الجبس دة حاجة كارثة فى المحارة) 


😅 لأن الصنايعى عايز المونة يرميها على الحيطة وتشك وتنجز معاه فى الشغل فبيحط شوية جبس يظبط معاه الأداء لكن المشكلة أن الجبس دة لو شم اى رطوبة بيقرفك انت بعد كدة فى مراحل التشطيب اللى بعد كدة وبيعمل تنميل صغيرة كدة وساعات بتوصل 
لشروخ وتعوز انك تعالج دة فهيكلفك اكتر. 


🙄
استخدام الجبس فى مرحلة المحارة

                               2- تركيز الإجهادات عند عتبة الشباك:


 والشكل دة اكيد موجود فى معظم البيوت  والسبب أن مسافة ركوب العتبة داخل الحائط وبعد جنب الشباك بتكون صغيرة فبالتالي الإجهادات اللى العتبة شايلاها بتتركز فى الجزء دة 
😏

تركيز الإجهادات عند عتبة الشباك


3- أثناء مرحلة المبانى


 ممكن تلاقى الصنايعى مش حريف شوية ويعملك كام عرموس فوق بعض أو قريبين من بعض ودة بيكون سبب فى الشروخ أو التنميل بردوا  .


4- اى مكان فية فاصل بين الخرسانة (سواء عمود أو كمرة)


 وبين طوب الحائط ودة بيحصل لأن الطوب والخرسانة لهم معامل تمدد وانكماش مختلف عن التانى فيؤدي لظهور شروخ أو تنميل.

                     👽ندخل بقى على أننا ازاى نعالج الكلام دة كلة 😅

حل اول سبب :1


ممكن استخدم اى مادة اسمنتية غير قابلة للأنكماش مثلا ممكن مادة اسمها (كونفيس 2 أو كونفيس 2 اف) ودة منتج من شركة CMB ودة على حسب شكل الشروخ اللى عندك أو 
التنميل .
كونفيس 2

حل تانى سبب :1


ممكن بردوا نفس علاج السبب الأول لكن لو هنتكلم على الحل الجزرى واللى مفروض يتعمل من البداية وهى أن مسافة الركوب تكون اكتر من 15 سم ولو الشباك كبير أو ارتفاع الحائط كبير فبالتالي الإجهادات هتزيد يبقى لازم مسافة الركوب لا تقل عن ربع 
بحر فتحة الشباك وهنوضح الكلام دة فى الرسمة اللى جاية
😉

وحل آخر بردوا انك ممكن تستخدم الشبك اللى هنستخدمة فى حل رابع سبب .👇



حل ثالث سبب :1


لو انت لسسة فى مرحلة المبانى يبقى خلى بالك من النقطة دى كويس جدا علشان مش تحصل معاك ولو خلاص عملت محارة وفية شروخ يبقى ممكن تصلح المشكلة بنفس طريقة حل اول سبب .
 

حل رابع سبب :1


علشان نعالج السبب دة كان بيتم استخدام شبك سلك وبيتم تثبيتة على الفاصل بين العمود 
مثلا والحائط عن طريق مسامير لكن المشكلة أن الشبك دة بعد فترة بيصدأ ويترد المونة من علية فأفضل حاجة بتستخدم حاليا وهى الشبك البلاستيك وغالبا لونة بيكون برتقالى وهيكون من ضمن الصور اللى تحت وخد بالك السلك دة بيتركب بعد الطرطشة



مشاكل المحارة وازاى نعالجها 😉





👻 وبكدة هنكون تقريبا وضحنا الموضوع دة إلى حد ما 

وفية فيديو بنوضح فية الكلام دة كلة على قناة مهندس الواقع 
🌟 ياريت لو اى حد عندة تعديل عن أى كلمة اتقالت فوق ياريت مش يبخل علينا بالفضل دة ولو اى حد عايز يستفسر عن أى حاجة من الكلام اللى فوق دة انا تحت امرة😃


عن الكاتب

Abdallah Abdelbaset

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع