مهندس الواقع مهندس الواقع
recent

آخر الأخبار

recent
جاري التحميل ...

  1. جزاك الله خيرا ⁦☺️⁩🌷 ..
    موضوع اكثر من رائع ومفيد وشامل كل النواحي بصراحه 👍👌

    ردحذف

لو أنت مهندس و عايز تسافر للعمل لازم تحط في بالك الكلام ده ضروري

أهم الأحتياطات التي لابد لك كمهندس أن تنتبه إليها قبل شروعك في إتخاذ قرار السفر من أجل العمل

لو أنت مهندس و عايز تسافر للعمل  لازم تحط في بالك الكلام  ده ضروري

"مما لا شك فيه إن قرار السفر و الغربه للبحث عن عمل لهو 

من أصعب القرارات التي قد يتخذها الفرد في حياته "

وفي هذا المقال سوف نناقش أهم الأحتياطات التي لابد لك 

كمهندس أن تنتبه إليها قبل شروعك في إتخاذ قرار السفر 

من أجل البحث عن السعه في الرزق :

في البدايه لازم تكون عارف ان المستوي العلمي للمهندس المصري فعلا مهندس كويس جدا جدا جدا بالمقارنة بدول الخليج كلها حتي لو كنت جايب مقبول او طالع بمواد

لو ناويت  تسافر خلاص لازم تاخد في اعتبارك حاجات كتير: (هنأخد السعوديه كمثال يتم تطبيقه بالمثل علي باقي دول الخليج)


اولها : هل انت مقرر انك عاوز تاخد فلوس وبس ولا عاوز تاخد خبرة وده اهم حاجة لانه ببساطة مفيش خبرة في السعودية خالص خالص خالص يبقي احسنلك اقعد في مصر علي الاقل سنتين خد خبرة كويسة وبعدين تعالي بكرامتك وحط صباعك في عين التخين .بس لو كنت عاوز فلوس وبس يبقي لازم تاخد بالك المكان الي انت جاي عليه يعني محدش يجي علي اي مدينة موجودة في السعودية غير الرياض وجدة وممكن ابها وحائل غير كدة لا لا لا لا لا متفكرش في اي مدينة تانية 

.....................................................................................................................................................
إسمع الفيديو لتشمل كافه الموضوع👇👇👇👇



ثانيا : لازم تيجي علي عقد محترم واقل عقد تيجي عليه 4500 ريال علي الاقل و في أسوء الأحوال لا تقل عن 3500 ريال او ما يعادل بالمصرى 15000 جنيه و طبعا كل سنة خبرة تزودك علي الاقل 500 ريال عن الرقم المكتوب.


يجب توضيح ذلك فى العقد على حسب الاتفاق 

( راتب شهرى ............ ريال فقط )

ثالثا : لازم يكون عقدك موثق في القوي العاملة والهجرة ، والخارجية المصرية ، ويفضل جدا القنصلية السعودية وده تكلفتها تقريبا 100 جنية بس

رابعا :لازم يكون عقدك فيه الشروط دي : سكن اعزب مؤسس مع غرفة مستقلة ، طبعا مبلغ العقد ، ويكون ثمن التأشيرة والاقامة وتأشيرة الخروج والكشف الطبي علي المؤسسة الي انت رايحها عشان متفاجأش ان لو مرتبك 3500 هيخصم عليك كل شهر 250 ريال وبلاش تتفق بالكلام وبس لا لازم يكون مكتوب بالعقد عشان تكلفتهم تقريبا 4500 ريال

متطلعش على موسسة صغيره لما لها من عيوب حيث المهندس دائما قد يشتغل بعض الادوار المهينه لغير المهندس مثلا قد لا يوجد فى المؤسسة مراقب او مساح او رسام هندسى او مسئول مالى او سائق فيطلب منك صاحب الموسسة ان تقوم بالدور ذلك مدعيا عدم التكبر واننا كلنا واحد والكلام اللذيذ ده وعم قريب سوف يتم توفير مراقب او محاسب ............ الخ .




يجب توضيح ذلك فى العقد على حسب الاتفاق ( لا يحق للطرف الاخر الطلب من الطرف الاول العمل فى اى مجال اخر الا تخصصه )

خامسا :
لو هتشتغل تنفيذي لازم يوفر ليك سيارة ولو هتشتغل تصميم في مكتب مثلا لازم يكون موفر سيارة تخدم السكن الي انت عايش فيه يعني مثلا لو تعبت لاقدر الله او عاوز تشتري حاجة يبقي فيه مواصلة توديك عشان مفيش تاكسيهات او مواصلات بأغلب الخليج.

سادسا : لازم تعرف طبيعة الشغل الي انت رايحة يعني مش يكون متفق علي تصميم وتروح تلاقي تنفيذ

سابعا : وده الاهم عدد ساعات العمل وتكون مكتوبة بالعقد وتكون حوالي 8 ساعات في الايام العادية و7 ساعات في رمضان ولو فكر الكفيل يشغلك ساعات زيادة لازم تكون متفق علي اوفر تايم ويكون مكتوب بالعقد

ثامنا: لازم تتفق انت هتتفع كام في مصر لمكتب السفريات وبلاش تدفع مبلغ كبير وخلي الكفيل الي جايبك يكون متفق مع المكتب انت هتدفع كام

تاسعا : واخر حاجة لازم الشرط ده موجوده في العقد لازم لازم لازم " في حالة الاخلال بشروط العقد او عدم اتفاق الطرفين في الثلاثة شهور الاولي يدفع الكفيل ثمن تأشيرة الخروج ولا يكون علي المهندس اي تكاليف

عاشر: لو ليك حد في السعودية يا ريت يسألك علي المؤسسة الي انت رايح عليها يعني اية اخبار مرتبتها كويسة ولا لا هل في شكوي من اي حد عليها في مكتب العمل، عدد ساعات الدوام، معاملتها عاملة ازاي, وهكذا


..........................لازم تحط في بالك بعض الأشياء الأضافيه ..........................

 الشركه

1- يفضل السفر على شركة او مكتب هندسى..... لما لها من مزايا واحترام لمهنة المهندس ففى الشركات المهندس فقط يقوم بدورة ويساعده مساعد المهندس او المراقب على عكس الموسسة


 العقد

1- لابد من وجود عقد وموثق ........ العقد يوضح الزياده بعد سنتين
2- توثيق العقد من وزارة الخارجيه او .....



 السكن

1- يجب ان يكتب فى العقد توفير السكن او بدلات السكن وتكون فى حدود راتب 3 شهور على الاقل او 500ريال شهريا
2- يجب توضيح ذلك فى العقد على حسب الاتفاق ( يؤمن الطرف الاول سكن مناسب للطرف الثانى او بدل سكن قدره ....... ريال فقط )

المواصلات

1- يجب ان يكتب فى العقد توفير سيارة او مواصلات او بدل مواصلات فى حدود 500 ريال شهريا
2- يفضل قبل السفر بالنسبة للمهندس ان يكون على درايه بالسواقه لانه صاحب العمل لا يستطيع توفير راتب مهندس وراتب سائق ايضا ...... رجاء تعلم القيادة فى مصر اولا
3- يجب توضيح ذلك فى العقد على حسب الاتفاق ( يؤمن الطرف الاول مواصلات مناسبه للطرف الثانى او بدل انتقالات قدره ............ ريال فقط )

 التامين  الطبى

1- يجب ان يكتب فى العقد توفير تأمين طبى ....وحتى وان لم تحتاجة فالظروف قد تضطرك الى الذهاب الى الدكتور او المستشفى وهو اجبارى حاليا
2- يجب توضيح ذلك فى العقد على حسب الاتفاق ( يؤمن الطرف الاول تامين طبى للطرف الثانى )




 الاقامة

1- يجب ان يكتب فى العقد توفير تأمين الاقامة ....وهى عبارة عن بطاقة شخصيه ( الهوية ) وهو اجبارى
2- يجب توضيح ذلك فى العقد على حسب الاتفاق ( يومن الطرف الاول تامين طبى للطرف الثانى )



الاجازة

1- يجب ان يكتب فى العقد اجازة سنويه لمده شهر ..........مدفوعة يعنى انت واخد اجازة راتبك طالع
2- يجب ان يكتب فى العقد فى حالة رغبة الموسسة بعدم اعطاء اجازة لاحتياج العمل الحصول على بدل هذا الشهر بمعنى
راتب شهر مضاف اليه راتب شهر بدل الاجازه
3- يجب توضيح ذلك فى العقد على حسب الاتفاق ( يحق الطرف الثانى اجازة لمدة شهر عن كل سنه مدفوعة الراتب )

ساعات العمل

1- يجب ان يكتب فى العقد عدد ساعات العمل وهى 8 ساعات طبقا لمواعيد العمل ..........ويفضل ان يكون دوام واحد بمعنى ان يكون من 7 الى 5 مساء .......ولا يكون دوامين من 9 الى 2 .......ثما من 4 الى 9 مساء ....لانه متعب
2- يجب توضيح ذلك فى العقد على حسب الاتفاق ( عدد ساعات العمل الاساسيه 8 ساعات )

الاضافى

1- يجب ان يكتب فى العقد اى وقت اضافى يحتسب الساعة ب ساعة ونصف ............ويتم احتسابها على راتبك اخر الشهر ويجب المطالبه بها
2- مع العلم فى حالة السفر على موسسة لايوجد اضافى يعنى حمار شغال 24 ساعة وطالع عينه ومفيش تقدير على عكس الشركات
3- يجب توضيح ذلك فى العقد على حسب الاتفاق ( فى حالة العمل خارج اوقات الدوام الرسمى تحسب الساعة الاضافية بساعة ونصف )

 الانتقالات

1- فى حالة السفر الى مشروع خارج مكان العمل الاساسى على حسب العمل لمدة قصيرة يتم احتساب اليوم خارج المكان 100 ريال ( داخل المملكة العربية السعودية ) اما لو تم الطلب السفر خارج المملكة ( 200 ريال ) عن كل يوم مثل السفر لاستلام مشروع او ........... مع العلم تكاليف السفر شاملا على صاحب العمل
2- يجب توضيح ذلك فى العقد على حسب الاتفاق ....................

 المكافأت

1- يجب ان يكتب فى العقد من حقك واجبارى واساسى على صاحب العمل ان يدفعهم لك عند انتهاء العمل وهوراتب نصف شهر عن كل سنه
2- يجب توضيح ذلك فى العقد على حسب الاتفاق ( يحق للطرف الثانى اجازة سنوية تعادل راتب نصف شهر عن كل سنه )

 المهنه

1- يجب ان يكتب فى العقد ان مهنتك مهندس (مدنى-ميكانيكا-كهرباء......الخ)
ولا يجوز العمل خارج نطاق مهنتك ............مثلا مساح او مراقب او .......
2- يجب توضيح ذلك فى العقد على حسب الاتفاق ( الطرف الثانى مهنة مهندس ........ )

 تاشيره

1- عدم السفر على تاشيره غير تاشيرة مهندس مدنى .......لان اغلب المهندسين قد يسافر على تاشيرة مساح او نجار او حداد ......وده بيقلل من شانك وقيمتك كمهندس

 السكن العائلى

1- يجب ان يكتب فى العقد من حق المؤسسة او الشركة توفير سكن عائلى على حسابهم فى حالة الاستقدام للزوجة والاولاد ..........
2- يجب توضيح ذلك فى العقد على حسب الاتفاق ( يجب على الطرف الاول توفير سكن عائلى للطرف الثانى فى حالة استقدام الزوجه او بدل سكن قدره .............. ريال )

 انتهاء العقد

1- يجب ان يكتب فى العقد من حقك فسخ العقد بعد مرور مدة العقد ............ ولا يحق للطرف الاخر " الكفيل السعودى " التجديد الا بعد موافقة الطرفين
2- يجب توضيح ذلك فى العقد على حسب الاتفاق ( لا يحق للطرف الاول تجديد العقد دون اخذ موافقة الطرف الثانى وعلى الطرف الثانى اعلام الطرف الاول فى حالة الرغبة فى العمل قبل انتهاء العقد بشهر مسبقا )

 مدة العقد

1- يجب ان يكتب فى العقد مدة العقد ( سنة / سنتين ) على حسب الاتفاق بين الطرفين
2- يجب توضيح ذلك فى العقد على حسب الاتفاق ( مدة العقد ........... )

الاختبار

1- لا يحق للطرف الاول ان يغير فى قيمة الراتب لاى سبب من الاسباب ومن حقه ان يغير فى الراتب فى خلال 3 اشهر وهى مدة الاختبار ومن حق الطرف الثانى الاستمرار فى العمل او الغاء العقد..............
2- يجب توضيح ذلك فى العقد على حسب الاتفاق ( من حق الطرف الاول اختبار الطرف الثانى لمدة 3 اشهر الاولى او او الاستغناء عنه ........... )

العوده

1- يجب ان يكتب فى العقد يؤمن الطرف الاول للطرف الثانى تذاكر طيران ذهاب وعودة فى الاجازات السنوية
2- يجب توضيح ذلك فى العقد على حسب الاتفاق ( توفير تذاكر طيران ذهاب وعودة فى حالة الاجازة السنوية )


........................................................................................
وفي النهايه نسأل الله لنا ولكم التوفيق و الفلاح 
مع أطيب و أرق تحيات من أسره قناه مهندس الوا قع علي اليوتيوب



تابع قناه مهندس الواقع علي اليوتيوب لمزيد من المحتوي الحصري القوي

ولا تنسونا من صالح دعائكم

عن الكاتب

Seddiq Mahmoud

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع