مهندس الواقع مهندس الواقع
recent

آخر الأخبار

recent
جاري التحميل ...

How to conduct a SWOT Analysis for your small business - يعنى ايه SWOT

How to conduct a SWOT Analysis for your small business - يعنى ايه SWOT



How to conduct a SWOT Analysis for your small business - يعنى ايه SWOT 



⚜️نتكلم النهاردة عن حاجة اسمها SWOT analysis 🤓




📌ودة بقى لو اى حد عندة مشروع لازم يعملها سواء المشروع كبير او صغير 

الكلمة الكبيرة اللى فوق دى عبارة عن اختصار لأربع كلمات: 👇


👌 SWOT 


👈اولا حرف S : ودة اختصار لكلمة Strengths :


ودة عبارة عن انك لازم تكون عارف كويس جدا نقاط القوة اللى عندك او فى الشركة علشان تعرف تستغلها كويس لصالح شركتك او مشروعك الصغير على سبيل المثال:


1- فريق العمل.

2- المكان المقترح للمشروع.

3- امكانياتى فى ادارة المشروع بأفضل شكل.
4- العلاقات الاجتماعية.
وغيرها من النقاط  التى تعتبر ذو اهمية كبيرة بالنسبة للمشروع.


👈ثانيا حرف W : ودة اختصار لكلمة Weaknesses :

عكس الكلام اللى فوق تماما يعنى لازم تكون عارف نقاط الضعف اللى عندك علشان تعرف ازاى تتغلب عليها وتطور من نفسك او من شركتك. 

👈ثالثا حرف O : ودة اختصار لكلمة Opportunities : 


ودة بأختصار كدة انك لازم تكون عارف اية هى الفرص اللى متاحة قدامك فى السوق وتستغلها .



👈رابعا حرف T :ودة اختصار لكلمة Threats :


ودة من وجهة نظرى اهم حاجة من الاربع دراسات دول وهى ان صاحب الشركة لازم يكون عارف اية التهديدات اللى ممكن تقابل استمرار شغلة وازاى اقدر اتغلب على التهديدات دى لأن بأختصار ممكن اكون عارف كل الكلام اللى فات فى الدراسات الثلاثة اللى فاتوا لكن فى الاخر فية عائق مش بيسمح ان منتجى يتباع او شغلى يستمر .

( نيجى بقى لحاجة مهمة جدا وهى ) 👇

بنستخدم تحليل SWOT فى ايه؟🤔


- مثلا لو عايز اعمل خطة استراتيجية للبيزنس بتاعى او شغلى لازم اكون عارف ايه نقاط القوة والضعف الخاصة بى وكمان الفرص اللى قدام شركتى واللى لازم استغلها والمخاطر اللى ممكن اقابلها فى السوق.
- لو بعمل خطة لنفسى كشخص وعايز ارتب أولوياتى واحط لنفسى أهداف..لازم اكون عارف ايه الحاجات اللى انا شاطر فيها وايه الحاجات اللى محتاج اتعلمها؟ 
- طب ايه الفرص اللى لو استغلتها ممكن تحقق هدفى وايه المشاكل اللى ممكن تمنعنى من دة؟

أحسن حاجة عشان تعمل تحليل SWOT 🧐

انك تجيب اربع ورقات فاضيين خالص..وكل ورقة من دول هتكتب عليها عنوان من الاربع..وتبدأ تكتب كل حاجة بالتفاصيل
هيبدأ يظهرلك حاجات كتير مكونتش واخد بالك منها قبل كدة , مميزات فيك مكونتش شايفها قبل كدة ومشاكل مكونتش واخد بالك منها.. الصورة كلها بتوضح أمامك وبيكون عندك تخيل واضح لوصولك لأهدافك أو اهدافك مؤسستك.

ياريت لو اى حد جرب يعمل الكلام اللى فوق دة يكتب لنا فى التعليقات علشان نشوف تجارب بعض .


🥳 وان شاء الله المرة الجاية نتكلم عن واحد اسمة William Edwards Deming وعن حاجة عملها اسمها Deming’s 14 Points for Management ودى كانت الحاجة اللى حولت اليابان بعد القنبلة النووية للحاجة اللى بنشوفها دلوقتى كوكب اليابان🤩













عن الكاتب

Abdallah Abdelbaset

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع