مهندس الواقع مهندس الواقع
recent

آخر الأخبار

recent
جاري التحميل ...

العزل وانواعة 🤓

العزل وانواعة 🤓



                                      العزل وانواعة 🤓


🎉هنتكلم عن حاجة مهمة جدا جدا فى بداية اى منشأ وهو موضوع العزل 😉

العزل دة بند ناس كتير بتطنشة وبتوفر إنها مش تعملة😵

على الرغم إنهم لو عرفوا بيصرفوا كام علشان يعالجوا مشاكل عدم العزل هيكون الموضوع دة أهم حاجة عندهم😂

👈أولا عايزين نعرف اية أجزاء المبنى أللى لازم أعزلها:🤔



🔹باختصار كدة أنا بعزل اى حاجة بتتردم.

🔹واى حاجة خايف يوصل لها الرطوبة وتأثر عليها بعد كدة

وممكن نقول شوية حاجات لازم تتعزل :

1- القواعد المسلحة والسملات ورقابى الأعمدة (الجزء المدفون من العمود تحت الارض). 👌

2- ظهر القواعد العادية من أجل عدم انتقال الرطوبة من القواعد العادية للقواعد المسلحة.

3-مبانى قصة الردم لعدم انتقال الرطوبة لمبانى الدور الارضي.

4-اى حائط خرسانى تحت الارض بنعزلة بردوا سواء حوائط بدروم أو Retaining wall.

5- ومش ننسي المنشأت المائية زى حمامات السباحة والخزانات.🤗

6-والدكة الأرضية للدور الارضى علشان امنع اى تسريب للمياة الجوفية للدور الارضى.😉

7- السطح بقى لازم اعزلة بقى علشان الرطوبة أللى بتكون ناتجة من المطر.😌


🎉ثانيا : نيجى بقى للمواد أللى بستخدمها للعزل


🎈 المادة إسمها بيتومين وبتتنفذ بطريقتين :

وبتكون على هيئة جراكن أو براميل.

🔹أول طريقة ---> بيتومين على الساخن :



ودة بيتم تسخينة فى الموقع أولا عن طريق حرق كاوتشات عربيات قيمة تحت كل برميل وبيتم الدهان عن طريق الرولة لكن حاليا نادر استخدامها لأنة اثناء التسخين بينتج غازات مسببة للسرطان وعلشان كدة ممنوع استخدامها حاليا.

🔹ثانى طريقة - - - > بيتومين على البارد :


ودة بيكون زى الدهان بالظبط وبيتم تخفيفة بالماء ونسبة التخفيف بتكون على حسب الشركة المصنعة وكل شركة طبعا بتكون لها طريقة الاستخدام وبتكون موجودة فى ورقة ملصقة على الجراكن زى الصورة👇

العزل وانواعة 🤓

🎉ثالثا: نتكلم عن إزاى احضر لموضوع العزل:


مرحلة مهمة جدا لموضوع العزل انى إزاى احضر لة من الاساس علشان مش أكون صرفت فلوس على الفاضى وأسمى عزلت وخلاص.😟


الموضوع دة بيتم عن طريق اننا بناخد بالنا من شوية حاجات:

1- لازم أنظف السطح أللى أنا هعزلة من اى اتربة.


2- لو فية اى مكان فية تسويس أو تعشيش فلازم اعالجها الأول وبعد كدة أعزلها


وفية فيديو على قناة مهندس الواقع👷‍♂️ بتوضح إزاى ممكن أعالج التعشيش والتسويس ودة لينك الفيديو.


3- فى حالة عزل السملات فلا يتم عزل ظهر السملات فى حالة بناء قصة ردم عليها لأن العزل بينتج منة سطح غير قابل لألتصاق المونة بة وبيتم وضع اسفلتويت (عبارة عن بيتومين ورمل).


🎉رابعا : استلام العزل 


لازم استلم أولا التحضير للعزل

وبعد كدة العزل بيتم استلامة بالنظر واهم حاجة فية إن مش يكون فية اى أجزاء فيها حرامية 🤣 ( يعنى مش يكون فية أجزاء العزل فيها خفيف).

وفى النهاية هتلاقى الكلام دة موجود فى فيديو بردوا على قناه مهندس الواقع ودة لينك الفيديو .
--->وهناك فيديو اخر عن كيفية التخلص من الرطوبة وتقشير الدهان ودة لينك الفيديو.


---> وفيديو عن كيفية عزل الاسطح ضد الرطوبة ودة لينك الفيديو.
--->وفيديو عن عزل الارضية بالفوم ودة لينك الفيديو.
🕶فى نهاية المقال لو اى حد عندة اى معلومة زيادة ياريت يفيدنا بيها .

عن الكاتب

Abdallah Abdelbaset

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع