مهندس الواقع مهندس الواقع
recent

آخر الأخبار

recent
جاري التحميل ...

أهم 10طرق للنصب على المهندسين😱

اهم 10طرق للنصب على المهندسين😱

أهم 10طرق للنصب على المهندسين😱







السلام عليكم

ان شاء الله النهارده هنتكلم ببعض من التفصيل عن أهم الطرق اللي ممكن أي مهندس يتنصب عليه بيها سواء من شغل المكاتب أو المقاولات و خلافه .

يلا نتكلم عن طرق النصب 😞



1- مقابلة باللاب توب + مبلغ مالي


هيكون فيه مسابقة مثلاً على الفيس أو أى وسيلة للتواصل و تطلب منه تبعت السيرة الذاتية و بعد كده يتصلوا بيك و يقولوا ان حضرتك اتقبلت في شركة بعرض خيالي و راتب كبير و كل الظروف اللي بتحلم بيها لكن مطلوب من حضرتك تيجى فى اسرع وقت وتعمل مقابلة لكن يكون معاك اللاب توب بتاعك ومبلغ معين علشان هتخلص شوية ورق بردوا للشغل .

هتروح و تعمل مقابلة و من ضمن خطواتها انك لازم تعمل كشف طبى في احدى المراكز الطبية و للأسف تضطر تسيب معاه شنطة اللاب توب بتاعتك و بعد ما تخلص كل حاجة في الكشف فتطلع مش تلاقى مندوب الشركة و لا الشنطة و لا أى حاجة و حتى لو رنيت عليه مش هيرد و هتلاقى الموبيل غير متاح .



2- أبليكيشن بفلوس


بيكون فيه اعلان ان شركة او مكتب طالب مهندسين و طبعاً آلاف المهندسين بتقدم للوظيفة و لكن لمما توصل مقر الشركة هتلاقى قبل دخول الانترفيو بينطلب منك تدفع رسوم ابليكيشن و بتكون رسوم بسيطة و بتدفع لأنها بتكون مثلا 20 أو 30 جنية و بعد الدفع و تعمل الأنترفيو و تروح و مستنى حد يكلمك لكن للأسف الشركة طلعت وهمية و بتكون مأجرة الشقة شهرين أو أكثر من أهل استغلال حاجة المهندسين للعمل .



3- شغل قبل الشغل


نفس اللى بيحصل فى الطريقة الثانية ولكن اثناء المقابلة يسلمك لوحات مبنى ومطلوب منك تعمل تصميم وحصر جميع بنود المقايسة خلال اسبوع مثلاً أو فترة معينة و على اساس انه بيتم تقييمك من خلال هذا الشغل و طبعاً انت أكيد تسهر ليل و نهار علشان تخلصها لكن للاسف بيكون عبارة عن اشتغالة و كل مرة هيحتاجوا مهندس أو أكتر يعملوا حاجات كتير هو مزنوقين.




4- سماسرة السفريات


بكل بساطة كدة ان اى مهندس بيكون من ضمن أحلامة انه يسافر بره بلده على اساس ان العائد المادى بيكون اعلى من بلدة فبالتالى بتلاقى شخص ممكن يحاول يقنعك انك تدفع مبلغ مالى كبير على اساس انة يوفر لك عقد عمل فى الخارج والموضوع بكل تفاصيلة يكون مجزى لدرجة انك ممكن يتم اقناعك انك تدفع الفلوس وانت لسة اصلا ولا مضيت العقد ولا عملت اى حاجة وللأسف تكون طريقة من طرق النصب والشركة تكون فى الاخر وهمية او انك تسافر وتلاقى كلام مختلف تماما عن اللى اتافقت علية قبل السفر .




5- ابعتلنا ورقك


طريقة النص اللى بنتكلم فيها دلوقتى هى ان الشركة تبعت لك وتكون عايزة الاوراق الخاصة بالتعيين وهى (شهاداتك و صورة بطاقتك و كارنية النقابة… إلخ) قبل مايتعمل لك إنترفيو أو قبل ماتتقبل في الشركة أصلاً.

ولو فكرنا شوية صغيرين هنلاقى ان الكلام اصلا فية حاجة مش مظبوطة وهو المفروض إن الأوراق الخاصة بتعيينك بالشركة بتقدمها فعلاً و لكن بعد الإنترفيو و بعد مايتم قبولك و تتفقوا على كل التفاصيل و في مرحلة التعاقد ايضا .




6- فترة تدريب بدون مقابل


خلاصة الموضوع انك بعد ما تعمل انترفيو مع الشركة وتتقبل فى الشغل هتلاقيهم فى الشركة بيقولوا لك إنك تشتغل معاهم فترة إختبار تتراوح مابين شهرين إلى 3 شهور بدون مقابل علشان من خلال هذة الفترة يقدروا يقيموك ويشوفوا هل ينفع تكمل فى الشركة او لا واكيد طبعا هتلاقى اللى يحاول يقنعك ان الموضوع دة ممكن تعتبرة كأنة تدريب وانك هتتعلم وان الشركة مش هتستفيد بحاجة بس هى بردوا لازم تضمن حقها .

كل الكلام اللى فوق دة تمام قوى بس ممكن نفكر طب حقى انا كمهندس فين وحق التعب والمواصلات اللى هدفعها من جيبى وحاجات تانية كتير الكلام دة فين طيب فهتلاقى بعد ال 3 شهور انهم بيمشوك بالذوق وبردوا هيجيبوا غيرك ويعملوا نفس الحركة للأسف .





7- التوقيع على إستقالة مسبقة


هتلاقى نفسك قدمت على شغل وعملت انترفيو واتفقت على كل حاجة لكن فى مرحلة كتابة العقد هتلاقى موظف الـ HR يطلب منك توقع على إستقالة بدون تاريخ ولو حاولت انك تفهم اية السبب علشان كدة هتلاقى نفسك بيتم اقناعك ان دة مجرد اجراء روتينى بيحصل مع الموظفين الجدد وان ده نظام الشركة .

لكن بكل بساطة ان الشركات اللى نظامها كدة بيكون الغرض من الموضوع دة هو انها لها القدرة على فصل الموظف فى اى وقت بدون مايكون لة اى حق من حقوقة وذلك لان الموظف لة حقوق فى حاجة ان الشركة هى التى استغنت عنة ولكن فى حالة ان الموظف هو اللى ترك الشركة فبيكون الموضوع مختلف شوية .




8- التوقيع على شرط جزائي


ايضا نفس الكلام فى الطريقة السابقة لكن عند توقيع العقد هتلاقى الشركة كاتبة بند فى العقد وهو عبارة عن شرط جزائى ودة بيمنعك من انك تترك الشغل قبل فترة زمنية معينة مثلا سنتين ويكون هذا الشرط الجزائى مبلغ مالى كبير سيتم دفعة فى حالة إخلالك بالبند.









9- مقاول يأمن عليك


فى الطريقة دى هتلاقى المقاول بيطلب منك صورة بطاقتك و صورة كارنية النقابة بدون ماتكون شغال معاه وممكن يقنعك انة ممكن يشيلك فى اى وقت ولكن يحاول يقنعك انة بيعمل كدة علشان يقدر يشيل شغل باسمك أو يسجل نفسه في إتحاد مقاولي التشييد وهتلاقى فى المقابل بيدفع لك مبلغ مالى بسيط وبيقنعك ان دة اجراء روتينى فقط ومش هيضرك فى اى حاجة وانة ممكن يفصلك من التأمينات فى اى وقت .
لكن ممكن نعرف أضرار الموضوع ده من الفيديو ده 👇
 




و كمان ممكن نشوف الفيديو ده 👇





10- التوقيع على إستمارة 6


نفس الكلام بردوا هتلاقى فى مرحلة التعاقد ان موظف الـ HR يطلب منك توقع على إستمارة خاصة بالتأمينات اسمها س 6 وانت للأسف احتمال كبيرمش هتكون عارف يعنى اية الاستمارة دى واحتمال ايضا انك توقعها لكن للأسف الاستمارة بتكون الخاصة بفصلك من التأمينات بحيث ان الشركة لو استغنت عنك فى اى وقت مش هيكون لك اى حقوق ابداً و هتستغنى عنك بدون اى شوشرة ومش هتقدر تطالب بأى حقوق .



▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬
▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬ ▬
تابع قناةمهندس الواقع علي اليوتيوب لمزيد من المحتوى الحصري القوي
و لا تنسوا الإنضمام لنا على جروب مهندس الواقع علي تليجرام
و لا تنسونا من صالح دعائكم
رجـــــــــــاء : رجاءاً من كل الإخوة و الأخوات الكرام الذين استفادوا من هذه المعلومات و بقليل من الجهد ترك تعليق أو مشاركة الموضوع عبر وسائل التواصل بالأسفل ولكم جزيل الشكر على ذلك.

عن الكاتب

Abdallah Abdelbaset

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع