مهندس الواقع مهندس الواقع
recent

آخر الأخبار

recent
جاري التحميل ...

٢٠ حاجة لازم تعرفها في الشغل

 



٢٠ قاعدة لازم تكون عارفهم وتنفذهم في الشغل عشان ما تتعبش نفسياً 



لو أول مرة تشتغل أو رايح شركة جديدة او شغال وقرفان .. ففيه شويا قواعد وأسس ونصايح كده عشان تعرف تعيش وتتعايش .. تقاتل وتتقتل .. لأن الشغل في مصر مش مجرد مكان بتقضي فيه يومك وتعمل فيه شغل .. ليه بقى ..!!


إقرأ أيضاً نصائح للدخول في عالم المقاولات


1: الشغل في مصر ساحة معركة يعني انت كل يوم نازل من بيتكم ما تعرفش مين اللي هيغزك من زمايلك .. 


2: الناس في الشغل نوعين .. الأول زي شكوكو .. والتاني زي زكي رستم .. مافيش نوع تالت .. وانت لازم تختار تبقى أي نوع فيهم ..





3: الشركة اللي ما تقدرش تعبك بفلوس .. زى امك لما تقولك انت أحسن واحد في ولادي وهي قاعدة معاك لوحدها في الأوضه .. بتشتغلك .. ومش عارف هتتصدم دلوقتي من الشركة ولا من أمك ..


4: مفيش حاجة اسمها صحاب في الشغل ونحكي لهم أسرارنا والجو ده .. الأصحاب كانوا قبل الشغل .. لا هجرة بعد الفتح ولا بوس بعد الجواز ولا أصحاب في الشغل .. احفظها بقى ..


إقرأ أيضاً أضرار السهر ونصائح للتخلص منه


5: من نقل لك نقل عنك .. اسمع كتير وإعرف أخبار الشركة .. انت كمان بيتقال عليك بلاوي غيرك بيسمعها ..


6: مفيش مدير في مصر بن حلال يابني .. انت بتقول إيه بس ..!!





7: اشتغل كتير تغلط كتير تتجازى كتير .. دي حكمة مصرية صحيحة مليون في المية ..


8: خاف من الستات في الشغل لو كنت راجل .. انما لو كنت ست فلازم تخافي من الستات في الشغل جدا ..


إقرأ أيضاً صفات المدير السئ


9: إنت من وجهة نظرك أهم واحد في الشركة .. ومن وجهة نظر المدير الشغل ما بيقفش على حد .. ومن وجهة نظر زمايلك ماحدش عارف انت بتشتغل ايه .. فإعرف مقام نفسك ترتاح وتريح ..





10 : الشغل في مصر 80% منه كلام وباقي ال20% منه شغل .. فلو مش بتعرف تتكلم زيهم هيخلوك تشتغل ياحلو طول اليوم ..


11 : مدير مين يابني اللي بن حلال .. انت بتقول ايه بس ..!!


إقرأ أيضاً  أهم الفيتامينات المفيدة للشعر


12: الصياعة في الشغل مش انك تنجز الشغل .. الصياعة هي إنك تعرف تروح بدري وتاخد أجازات ..


13: الجيش فيه سيكات .. والحروب فيها بصاصين .. والشركات فيها عصافير .. لو الكلام ده مبهم بالنسبالك .. فإنت فايتك كتير ..





14 : مكانتك في الشغل متوقفة علي مقدار تطيبلك مش على مقدار شغلك .. هتعرف تطبل هتنجح .. مجهودك ده وفره لمراتك ..


15: التحرش مش بس في المواصلات .. لو حد عمل كده فيك في الشغل اوعى تقول أي .. استوعبه واتعلم .. الآسافين تصنع الموظفين يابني .. 


إقرأ أيضاً  كيف تتخلص من الكسل


16: بيقولك البحر الهادىء لا يصنع قبطان جيد .. وأنا بقولك البحر الهادىء هيوصلك بالسلامة .. فما تجودش في الشغل اعمل علي قد المطلوب يابا ..


17: إن جالك الطوفان حط إبنك تحت رجليك وإن جاتلك المصلحة ما تفكرش كتير وتوكل على الله .. أجدادنا قالوا كده 





18: فيه موظف في الشركة دايما هو مرمطون فيها .. لو دخلت الزونة دي يا حلو .. هيخلوك مدام .. فإعمل لنفسك مقام ..


19: لو قعدت تفكر في الخصم اللي أخدته عمرك ما هتشوف البونص اللي جاي .. 


20: هتقولي تاني فيه مدير بن حلال .. مدير مين يابني اللي بن حلال ..


عن الكاتب

علاء الدين محمود

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع