مهندس الواقع مهندس الواقع
recent

آخر الأخبار

recent
جاري التحميل ...

أهم نصيحة لك كمهندس





أهم نصيحة لك كمهندس


لاحظت ان أغلب مهندسين حديث التخرج محتاجين فعلا حد يلفت نظرهم على بعض النقاط المرفوضة و احب اذكرها حتى لا يقع أحد فيها وهية نتاج خبرتى بالعمل منذ ان تخرجت من هندسة عين شمس عام ٢٠٠١ م ،،


إقرأ أيضاً تصميم قطاعات الأعمدة المعرضة للقوى المختلفة


و هى نقاط يجب رفضها حتى لو انت معندكش خبرة وخدها نصيحة منى فى حياتك : "لو انت مش خايف على نفسك ولن تحترمها فلن يحترمها أحد "...!!


و اهم المرفوضات فى العمل هى: 


١_ لو انت فى مصر: ارفض أى مرتب فى حدود ١٥٠٠ جنيه بالشهر او أقل كمهندس لسة متخرج....لأن دى مبالغ عام ٢٠١٥ وبعد زيادة الأسعار عام ٢٠١٧ ما ينفعش ١٥٠٠ جنيه أبداا فى عام ٢٠٢١ .... و لو مفيش عقد الأفضل ان المرتب يكتب فى ورقة مع تحديد المهام المطلوبة منك وتاريخ بدء العمل !!


٢_ مفيش حاجة اسمها" اشتغل بدون مرتب خالص بس المهم آخد خبرة " جملة غلط تماما وبترخص نفسك جاامد اووى والله ... لكن فيه حاجة اسمها" اشتغل تحت الاختبار لمدة ٣ شهور تدريب بمبلغ رمزى ٢٥٠٠جنيه اولا ثم تزاد الى ٣٥٠٠ جنيه بعد ٣ شهور من عملك واثبات كفاءتك "كما ذكرت سابقا ،،


إقرأ أيضاً ٢٠ حاجة لازم تعرفها في الشغل مهم جداً


٣_ ارفض انك تشتغل فى موقع مافيهوش ماء ولا حمام بكرافان لأنك هتحتاج تتوضى وكمان فى الصيف الموضوع لن يطاق !!


٤_ ارفض انك تشتغل فى مكان بعيد جداا عن سكنك كمواصلات الا اذا توفر لك بدل سكن ويكون السكن مناسب للحياة الآدمية للطبقة المتوسطة... 


إقرأ أيضاً مواعيد القطارات المتجهة من القاهرة إلى المحافظات


 لأن لو هتاخد المواصلات فى ساعتين رايح و ساعتين راجع يعنى ٤ ساعات مواصلات او ٥ كمان فصدقنى كدة انت مش فارق معاك وقتك خالص وطاقتك بعد كام شهر هتقل جداا وهتلاقى نفسك فى دوامة هتفقدك الاستمتاع بقيمة وقتك وحياتك !! 


٥_ ارفض انك تشتغل مع ناس كل يوم بتسببلك مشاكل وإهانات ومشاحنات لأنها هترفع لك الضغط والسكر والقلب بعد كدة ...صحتك بالدنيا!!


إقرأ أيضاً ازاي تتفق مع المقاول أو الصنايعية وتاخد منهم أعلى جودة وبأسعار جيدة


٦_ أرفض انك تشرف لوحدك على ٥ عمارات كمهندس موقع ...استحالة هتقدر تشرف عليهم لوحدك بالشكل المطلوب !!...دة مص دم و استنفاذ للطاقة واستهتار بعقلية المهندس !!


٧_ ارفض انك تمضى على عقود بها شرط جزائي وافضل العقود هى المطابقة لقانون العمل الموحد لذك يجب قراءة هذا القانون كما أشرت لذلك فى منشور سابق ... 





والافضل أيضا أنك ترفض العمل بالشركات التى لا تهتم بكتابة العقود اصلا لأنها غالبا فى اقرب وقت ممكن تستغنى عنك بدون اى ضمانات أو حقوق لك .... يعنى لو بتشتغل بدون عقد توقع الاستغناء عنك فى اى لحظة وتوقع أيضا تلاكيك واستفزازات مهما كانت شخصيتك قوية وهتضطر انك تكون شخص متنازل دايما للحفاظ على لقمة عيشك الغير مضمونة اصلا معهم!!   


إقرأ أيضاً كيف تتخلص من رائحة الفم الكريهة


٨_ ارفض انك تفضل موظف عند حد طول حياتك ولكن خلى العمل كموظف هى مرحلة انتقالية فقط لاكتساب الخبرات والمهارات لكن المفروض والأفضل بعد ٤٠ سنة من عمرك يكون عندك شغل حر خاص هيبدأ صغير وهيكبر بالتدريج وهتكسب منه الكتير واول حاجة هتكسبها هى حريتك وكرامتك واستغناءك !!


اتعود انك تقول" لا "لكل السلبيات بالعمل.... انت مهندس محترم وصدقنى لو انت شخصية متمكنة جدا علميا وعمليا هتقدر تختار وظيفتك وانت مرتاح ...و افتكر دايما ان طاقتك ووقتك وصحتك وكرامتك بالدنيا...


إقرأ أيضاً فوائد غذاء الملكات وشمع العسل


 متعكم الله بوافر الصحة والعافية ورزقكم بخير مما تظنون اصدقاء صفحتى الأعزاء ومتابعيها.... بالتوفيق لكم جميعا يارب....تحياتى :) 


مرفوضات_بالعمل

من_تجربتى_الشخصية







عن الكاتب

علاء الدين محمود

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع