مهندس الواقع مهندس الواقع
recent

آخر الأخبار

recent
جاري التحميل ...

إزاي أختار التخصص المناسب ليا في هندسه







إزاي أختار التخصص المناسب ليا في هندسه



لتحميل الكتاب الأساسات للدكتور أسامه من هنا...

https://www.realityengineer2020.com/2021/07/Foundations-Dr.-Osama-Mustafa-Al-Shafei.html

موضوع مهم 

إزاي أختار التخصص المناسب ليا في هندسه


أعيروني بصركم وإنتباهكم



أسئله ماينفعش تسئلها لنفسك أو تسئل حد عليها😏

#إزاي أختار التخصص المناسب ليا في هندسه#

أ- ماينفعشي تقول لحد أدخل تخصص أي ؟!

انتا الوحيد فقط اللى مفروض تجاوب على السؤال ده حتي مع احترامي والدك وهوأكتر الناس بيحبك وبيخاف على مصلحتك القرار بردو ليك انتا وانتا اللى تحدد ايه من التخصصات اللى متوافقه مع شخصيتك وميولك واللى هنتعرف عليها دلوقتي 

#إزاي أختار التخصص المناسب ليا في هندسه#

ب- أى تخصص فيه فلوس أكتر؟!!

السؤال ده مش غلط ولا حتي حرام السؤال ده أى حد ممكن يسئله لنفسه اى حد فينا نفسه يحقق مستوى مادي مرموق ويحقق اللى نفسه فيه ويعيش فيه مكانه كويسه من مسكن وملبس وغيره من الاهتمامات اللى بتختلف من شخص للتاني حسب ميوله الشخصيه وهدفه فى الحياه 

المشكله تكمن في السؤال نفسه اما بتيجي تحدد التخصص على اساس مادي فقط دي مشكله كبيره جدا جدا ولاكن بتتوقف على التخصص المناسب ليك انتا يعني مثلا تخصص كمبيوتر حاليا معظم الطالبه عايزه تتدخله عشان هو ده اللى واخد سيط او المستقبل لأ العكس تمام أى تخصص انتا ممكن تقدر تكسب فلوس كويسه جدا بس ده على حسب شخصيتك انتا واللى تقدر تحقق اللى نفسك فيه مش التخصص المعين اللى هيجيبلك فلوس أو هيعيشك فى مستوي مرموق لأ اطلاقا.

ج- التخصص ...... صعب علشان مش بحب مادة ......؟!!!

نصيحه بلاش تخلى ماده أو اتنين يمنعوك من دخول تخصص كبيير فيه فروع كبيره جدا انتا تجهلها وتكاد تكون متوافقه مع شخصيتك وميولك جدا وانك تقدر تبدع فيها وتكون مهندس مميزه فيه جدا . يعني مثلا ترفض تدخل عماره عشان فيها رسم كتير وانتا مش بتحب الرسم بس عندك خلفيه كويسه فى التقسيم المعماري أو كويس فى الديكور بتختار اللوان متناسقه جدا أو أو فا علشان ماده تخليك ماتدخلش تخصص !!! وبعدين انتا أما تتخرج عمرك ماهتشتغل مانيوال كله برامج رسم زي الاوتوكاد وغيرها من البرامج . 

أو تقول مش داخل مدني علشان بينزلو مواقع أو أو لأ خااالص تخصص مدني كبير جدا فيه تصميم وتنفيذ وطرق وكباري وصرف وغيرها  يعني انتا ممكن تشغل مصمم أو مكتب فني فا مش هتتنزل مواقع خالص كل شغلك على المكتب وهكذا والعكس صحيح.
#إزاي أختار التخصص المناسب ليا في هندسه#

د- التخصص اللى تنسيقه أعلى هو ده أفضل تخصص ؟!!!!

نظريه خطأ تماما ترتيب التخصص ده موضوع نسبي بحت بمعني على حسب عدد الطلبه اللى مختارين تخصص معين يعني لو فرضنا ان الدفعه عددها 1000 وسجل 450 طالب تخصص مدني و 300كهربا و200 ميكانيكا. و50 نسيج . فالترتيب الاول هو مدني 

هل ده معناه ان مدني هو أفضل من ميكانيكا أو أو لأ طبعا فالشاهد إنك لازم تفكر صح علشان ماترجعشي بعدين تندم.

ماتيجي أقولك يه الاسئله اللى لازم تسئلها لنفسك قبل إختيارك للتخصص

الأسئله اللى لازم تسئلها لنفسك؟؟

أ- إيه طبيعة الدراسه فى التخصص المعين؟!

أول حاجه تسئلاى المواد اللى بندرسها فى التخصص واى علاقتها فيما هو بعد التخرج وحدد هل انتا متقبل المحتوي او التخصص ده ولا لأ وهل هو مناسبك مع أهدافك وميولك الشخصيه ولا لأ.
#إزاي أختار التخصص المناسب ليا في هندسه#

ب- إيه مجالات شغل الخريجين؟!!

إنتا لازم تسئل المهندسين على الجروبات اى مجالات شغلكم دلوقتي وبتشغلو فى اى وظروف العمل اى وشوف لو الظروف العمل مش مناسبه ليك أو حاسس انك مش شايسف نفسك فيها ممكن ساعتخها تقدر تحدد هو مناسب ولا لأ.

ج- شايف نفسك فاان بعد 10 سنين من بعد التخرج؟!!! 😃

 لازم تحط لنفسك هدف تمشي عليه علشان توصله بإذن الله تعالى وطبعا مش محتاج أقولك بعد تعب وجهد مبزول منك علشان توصل إلا وبقى كله وصل ولا اى.

أخر حاجه حابب أقولها ((هيا كلها أرزاق))

لازم تعمل اللى عليك وتسيب الباقي على ربنا 

لايكلف الله نفساً إلا وسعها .

أتعب وأشتغل على نفسك كتير وأنتا هتجني ثمار التعب ده وأهم من كل ده (((لا تترك صلاتك))) صدقني ده الحبل الوحيد اللى مخليك متصل بربك دايماً ونيتك إجعلها دايماً حلوه ونضيفه من جواك وشخصيتك كويسه إنتا هتبقي مهندس واجهه لينا كلنا ولا أى😊 

ولا تحقد ولا تحسد حد على نعمه معاه ومش عندك دي موازيين بتاعت ربنا وربنا أعدل العادلين . 

وصدقني ربنا هيكرمك أحلى كرم وإدعيلي بقي .

عن الكاتب

المهندس إسلام عابد أبو شحاته

التعليقات


اتصل بنا

إذا أعجبك محتوى مدونتنا نتمنى البقاء على تواصل دائم ، فقط قم بإدخال بريدك الإلكتروني للإشتراك في بريد المدونة السريع ليصلك جديد المدونة أولاً بأول ، كما يمكنك إرسال رساله بالضغط على الزر المجاور ...

جميع الحقوق محفوظة

مهندس الواقع