نصائح لحديثي التخرج من المهندسين
الى المهندسين حديث التخرج بمصر :
ما تخلوش اصحاب الشركات يضحكوا عليكم :
١_ اولا مفيش حاجة اسمها تدرب ببلاش ، ولو اتدربت بيكون بمبلغ رمزى لمده ٣ شهور بقيمة ١٥٠٠ ج مصرى وبعد ال ٣ شهور المرتب يزيد للضعف الى ٣٠٠٠ جنيه مصرى !!!
اقسم بالله من ٢٠١٥ كان مهندسين حديث التخرج بياخدوا ٢٠٠٠ جنيه ؛ لغاية امتى هتقبلوا بالمبلغ دة والاسعار زادت للضعف من ٢٠١٧ ؛ ولو كل مهندس وافق بالشغل بالف جنيه والفين جنيه كده بيضيع مهنة الهندسة والله !!!
إقرأ أيضاً دليل إدارة المكتب الفني للمهندس عبدالله منصور
٢_ مفيش حاجة اسمها تقبل شغل تسهر فيه وتبات عشان صبة من غير اوفر تايم ، لازم تبقى عارف ان كده هدر لحقوقك وتدور على شغل أفضل وانت شغال معاهم !!!
٣_ مفيش حاجة اسمها تشتغل بدون سيفتى بالموقع فلو هم مش مهتمين بسلامتك اهتم انت بلبس الخوذة والفيست والحذاء الحديد واتحرى وسائل الأمان والسلامة وانت بتتحرك بالموقع !!!
٤_ مفيش حاجة اسمها تشتغل لوحدك مهندس موقع فى عمارة كاملة بدون مهندس معاك يساعدك !!ده كده مص دم لطاقتك ووقتك والله وبيسترخصوا ؛ أى عمارة من ٥ ادوار على الاقل لازم يشرف عليها ٢ مهندس مدنى على الأقل !!
٥_ مفيش حاجة اسمها سكن مغترب فى موقع بعيد لا يتوافر فيه سرير ومكان نظيف مهىء للحياة الآدمية !!!